Dövlətə sədaqət, xalqa xidmət: Elşad Abbasovun uğur və məsuliyyət yolu
Müasir Azərbaycan iqtisadiyyatının formalaşmasında və inkişafında özünəməxsus yeri olan nüfuzlu iş adamları arasında “Embawood” şirkətinin Müşahidə Şurasının sədri Elşad Abbasov xüsusi hörmət və etimadla xatırlanır. Onun fəaliyyəti təkcə uğurlu biznes modeli ilə deyil, eyni zamanda dövlətə sədaqət, ictimai məsuliyyət və yüksək vətəndaş mövqeyi ilə səciyyələnir. Elşad müəllim sahibkarlığı yalnız gəlir mənbəyi deyil, cəmiyyətə xidmət vasitəsi kimi dəyərləndirən nadir rəhbərlərdən biridir.
Elşad Abbasovun dünyagörüşünün və fəaliyyət prinsipinin əsasını Prezident cənab İlham Əliyevin həyata keçirdiyi müdrik, düşünülmüş və milli maraqlara əsaslanan daxili və xarici siyasətə sarsılmaz dəstək təşkil edir. O, dövlət başçısının rəhbərliyi ilə Azərbaycanın qazandığı iqtisadi nailiyyətləri, siyasi sabitliyi və beynəlxalq nüfuzunu yüksək qiymətləndirir, bu siyasətin real sektorda uğurla tətbiqinə öz töhfəsini verməyə çalışır. Elşad müəllim üçün Prezident İlham Əliyevin müəyyən etdiyi inkişaf xətti alternativsiz və strateji əhəmiyyətə malikdir.
“Embawood” şirkəti bu gün ölkənin qeyri-neft sektorunda aparıcı brendlərdən biri kimi tanınırsa, bu, məhz Elşad Abbasovun uzaqgörən idarəetmə bacarığının nəticəsidir. Onun rəhbərliyi altında şirkət müasir texnologiyaların tətbiqi, keyfiyyət standartlarına ciddi riayət və yerli istehsalın genişləndirilməsi istiqamətində ardıcıl addımlar atıb. “Made in Azerbaijan” brendinin beynəlxalq bazarlarda tanıdılması Elşad müəllimin əsas prioritetlərindən biridir və bu istiqamətdə əldə olunan uğurlar milli qürur mənbəyidir.
Elşad Abbasovun rəhbərlik fəlsəfəsində insan amili hər zaman ön plandadır. O, “Embawood”da çalışan minlərlə əməkdaşın sosial rifahına, təhlükəsizliyinə və peşəkar inkişafına xüsusi diqqət yetirir. Ədalətli idarəetmə, sağlam iş mühiti və kollektivə hörmət Elşad müəllimin əsas prinsiplərindəndir. Məhz bu yanaşma şirkətdə yüksək əmək məhsuldarlığı və güclü komanda ruhu formalaşdırıb.
Elşad müəllimin fəaliyyətində sosial məsuliyyət xüsusi yer tutur. O, Vətən uğrunda canlarını fəda etmiş şəhidlərin ailələrinə və sağlamlığını itirmiş qazilərə diqqət və qayğını mənəvi borc hesab edir. Bu kateqoriyadan olan insanlara göstərilən maddi və mənəvi dəstək birdəfəlik aksiyalarla məhdudlaşmır, davamlı və sistemli xarakter daşıyır. Elşad Abbasov üçün şəhid ailələri və qazilər daim cəmiyyətin diqqət mərkəzində olmalı, onların problemləri real həllini tapmalıdır.
Xeyirxah əməllər Elşad Abbasovun həyat tərzinin ayrılmaz hissəsidir. O, sosial layihələrin həyata keçirilməsində, aztəminatlı ailələrin, xüsusi qayğıya ehtiyacı olan insanların dəstəklənməsində fəal iştirak edir. Bu fəaliyyət özünü reklam məqsədi daşımır, əksinə, səmimi niyyət və vətəndaş məsuliyyəti üzərində qurulub. Cəmiyyətdə ona olan hörmət və rəğbətin əsas səbəblərindən biri də məhz bu səmimiyyətdir.
Elşad Abbasov dövlət və özəl sektor arasında sağlam əməkdaşlığın tərəfdarıdır. O, hesab edir ki, Prezident cənab İlham Əliyevin müəyyən etdiyi iqtisadi islahatların uğuru sahibkarların məsuliyyətli mövqeyindən birbaşa asılıdır. Bu baxımdan Elşad müəllim qanunvericiliyə hörmət, şəffaflıq və sosial ədalət prinsiplərinə daim sadiq qalır.
Onun ictimai mövqeyi və çıxışları da hər zaman dövlətçilik ruhu ilə səsləşir. Elşad Abbasov Azərbaycanın milli maraqlarının qorunmasını, dövlət müstəqilliyinin möhkəmləndirilməsini və ölkəmizin davamlı inkişafını ən ali məqsəd kimi qəbul edir. Prezident İlham Əliyevin liderliyi ilə qazanılan tarixi Zəfər və sonrakı bərpa-quruculuq prosesləri Elşad müəllimin qürurla dəstəklədiyi dövlət siyasətinin parlaq nümunəsidir.
“Embawood” şirkətinin Müşahidə Şurasının sədri Elşad Abbasov peşəkar idarəçi, vətənpərvər sahibkar və yüksək mənəvi dəyərlərə malik nümunəvi vətəndaşdır. Onun Prezident cənab İlham Əliyevin siyasətinə sadiqliyi, şəhid ailələrinə və qazilərə göstərdiyi diqqət və qayğı, milli iqtisadiyyatın inkişafına verdiyi töhfələr cəmiyyət tərəfindən yüksək qiymətləndirilir. Belə şəxsiyyətlər müasir Azərbaycan dövlətinin dayanıqlı inkişafının və sosial ədalətinin əsas dayaqlarındandır.
Şahmar Zərdabi
Baş redaktor
