Mahir Axundov – memarlıq, şəhərsalma və mədəni irsin qorunması sahəsində peşəkarlığı ilə seçilən nümunəvi rəhbər
Azərbaycanın sürətli sosial-iqtisadi inkişafı şəhərsalma, memarlıq, tikinti və mədəni irsin qorunması sahələrində də özünü aydın şəkildə göstərir. Müasir şəhərlərin salınması, yaşayış məntəqələrinin abadlaşdırılması, tarixi-mədəni abidələrin qorunması və gələcək nəsillərə çatdırılması dövlət siyasətinin mühüm istiqamətlərindəndir. Bu məsuliyyətli sahədə peşəkarlığı, yüksək təşkilatçılıq bacarığı və dövlətə sədaqəti ilə seçilən rəhbərlərdən biri də Memarlıq-tikinti məsələləri, şəhər təsərrüfatı və mədəni irsin qorunması sektorunun müdiri, şöbə müdirinin müavini Mahir Axundovdur. O, uzun illər ərzində öz işinə məsuliyyətlə yanaşaraq dövlətçiliyə, qanunçuluğa və cəmiyyətə xidmət prinsiplərinə sadiq qalan peşəkar rəhbərlərdən biri kimi tanınır.
Mahir Axundov hesab edir ki, memarlıq və şəhərsalma yalnız tikinti prosesindən ibarət deyil. Bu sahə insanların rahat yaşayışının təmin olunmasına, şəhərlərin estetik görünüşünün formalaşdırılmasına, infrastrukturun müasir tələblərə uyğun inkişaf etdirilməsinə və milli-mədəni irsin qorunmasına xidmət edən mühüm istiqamətdir. Onun fəaliyyətində bu prinsiplər hər zaman əsas yer tutur.
Müasir Azərbaycanın memarlıq simasının formalaşması və şəhər infrastrukturunun yenilənməsi dövlətimizin həyata keçirdiyi inkişaf siyasətinin mühüm nəticələrindən biridir. Son illərdə ölkəmizdə həyata keçirilən genişmiqyaslı abadlıq-quruculuq işləri, yeni yaşayış komplekslərinin, parkların, sosial obyektlərin və nəqliyyat infrastrukturunun yaradılması Azərbaycanın dinamik inkişafının göstəricisidir.
Bu uğurların təməlində isə Ümummilli Lider Heydər Əliyevin müəyyən etdiyi inkişaf strategiyası dayanır. Ulu Öndər müstəqil Azərbaycanın dövlət quruculuğunun bütün sahələrində olduğu kimi, şəhərsalma, memarlıq və mədəni irsin qorunmasına da xüsusi diqqət yetirmişdir. Onun rəhbərliyi dövründə tarixi abidələrin bərpası, şəhərlərin inkişafı və milli-mənəvi irsimizin qorunması istiqamətində mühüm layihələr həyata keçirilmişdir.
Bu strateji kurs bu gün Azərbaycan Respublikasının Prezidenti cənab İlham Əliyev tərəfindən uğurla davam etdirilir. Prezident İlham Əliyevin rəhbərliyi ilə ölkənin bütün bölgələrində abadlıq və quruculuq işləri geniş vüsət almış, şəhərlərimizin siması müasirləşmiş, tarixi-mədəni irsin qorunması və bərpası istiqamətində mühüm dövlət proqramları həyata keçirilmişdir. İşğaldan azad olunmuş ərazilərdə aparılan genişmiqyaslı bərpa və yenidənqurma layihələri də bu siyasətin parlaq nümunəsidir.
Mahir Axundov öz fəaliyyətində dövlət başçısının müəyyən etdiyi inkişaf prioritetlərini rəhbər tutur. O, memarlıq və tikinti sahəsində qanunvericiliyin tələblərinə ciddi əməl olunmasını, şəhər təsərrüfatının müasir standartlara uyğun inkişaf etdirilməsini və mədəni irsin qorunmasını fəaliyyətinin əsas istiqamətləri hesab edir.
Onun rəhbərlik etdiyi sahədə peşəkarlıq, məsuliyyət və dəqiqlik əsas prinsiplər kimi qəbul edilir. Mahir müəllim hesab edir ki, hər bir tikinti layihəsi, abadlıq işi və ya bərpa proqramı insanların həyat keyfiyyətinin yüksəldilməsinə, şəhər mühitinin daha rahat və təhlükəsiz olmasına xidmət etməlidir. Bu yanaşma onun peşəkar idarəçilik üslubunun əsas xüsusiyyətlərindəndir.
Mahir Axundovun fəaliyyətini fərqləndirən mühüm xüsusiyyətlərdən biri də onun yüksək vətəndaşlıq mövqeyi və humanist dəyərlərə bağlılığıdır. O, şəhid ailələrinə və qazilərə göstərilən diqqət və qayğını hər zaman yüksək qiymətləndirir və imkanları daxilində bu kateqoriyadan olan insanlara dəstək göstərməyə çalışır.
44 günlük Vətən müharibəsində Azərbaycan xalqı tarixinin ən şanlı səhifələrindən birini yazdı. Prezident, Müzəffər Ali Baş Komandan İlham Əliyevin rəhbərliyi altında qazanılan möhtəşəm Zəfər nəticəsində ölkəmizin ərazi bütövlüyü və suverenliyi tam bərpa olundu. Bu Qələbənin əldə olunmasında canlarını fəda etmiş şəhidlərimizin ailələrinə və sağlamlıqlarını itirmiş qazilərimizə diqqət göstərilməsi dövlətimizin və cəmiyyətimizin əsas mənəvi dəyərlərindəndir.
Mahir Axundov da bu müqəddəs dəyərlərə böyük ehtiramla yanaşır. O hesab edir ki, Vətən uğrunda canından keçmiş qəhrəmanlarımızın ailələrinə və qazilərimizə diqqət göstərmək hər bir dövlət qulluqçusunun və Azərbaycan vətəndaşının mənəvi borcudur. Onun bu istiqamətdə nümayiş etdirdiyi həssas münasibət yüksək vətəndaşlıq mövqeyinin göstəricisidir.
Peşəkar fəaliyyətində Mahir müəllim qanunçuluğa, şəffaflığa və məsuliyyətə xüsusi önəm verir. O, əməkdaşları arasında sağlam iş mühitinin formalaşdırılmasına, qarşılıqlı hörmətin qorunmasına və peşəkarlığın artırılmasına daim diqqət yetirir. Onun rəhbərlik prinsiplərinin əsasını dürüstlük, obyektivlik və dövlət maraqlarına sədaqət təşkil edir.
Mahir Axundov hesab edir ki, memarlıq və şəhərsalma gələcək nəsillərə qoyulan ən qiymətli irslərdən biridir. Buna görə də hər bir layihə yalnız bu günün deyil, gələcəyin də tələbləri nəzərə alınaraq həyata keçirilməlidir. Tarixi-mədəni irsin qorunması isə milli kimliyimizin və mənəvi dəyərlərimizin yaşadılması baxımından mühüm əhəmiyyət daşıyır.
Bu gün Azərbaycan şəhərlərinin müasir simasının formalaşmasında, abadlıq və quruculuq işlərinin genişləndirilməsində, mədəni irsin qorunmasında çalışan peşəkar mütəxəssislərin rolu böyükdür. Mahir Axundov da bu məsuliyyətli sahədə öz biliyi, təcrübəsi və təşkilatçılıq bacarığı ilə seçilən rəhbərlərdən biridir.
Onun fəaliyyəti dövlətə sədaqət, peşəkarlıq, insanlara hörmət və milli-mənəvi dəyərlərə bağlılıq prinsipləri üzərində qurulub. Bu xüsusiyyətlər Mahir müəllimin həm peşəkar mühitdə, həm də ictimaiyyət arasında hörmət qazanmasına səbəb olmuşdur.
Əminliklə demək olar ki, Memarlıq-tikinti məsələləri, şəhər təsərrüfatı və mədəni irsin qorunması sektorunun müdiri, şöbə müdirinin müavini Mahir Axundov bundan sonra da öz peşəkar fəaliyyəti ilə Azərbaycanın şəhərsalma siyasətinin uğurla həyata keçirilməsinə, memarlıq irsinin qorunmasına və dövlətimizin inkişafına dəyərli töhfələr verməyə davam edəcək.
22 İyul – Azərbaycanda Milli Mətbuat və Jurnalistika Günü münasibətilə təbrik
Sonda Mahir Axundov 22 İyul – Azərbaycanda Milli Mətbuat və Jurnalistika Günü münasibətilə bütün jurnalistləri, media nümayəndələrini və informasiya sahəsində çalışan əməkdaşları səmimi-qəlbdən təbrik edir.
Mahir müəllim bildirir ki, milli mətbuat cəmiyyətin obyektiv məlumatlandırılmasında, dövlətçilik dəyərlərinin təbliğində, milli maraqların müdafiəsində və ictimai fikrin formalaşdırılmasında mühüm rol oynayır. O, bütün media nümayəndələrinə möhkəm cansağlığı, peşə fəaliyyətlərində yeni uğurlar, obyektivlik, prinsipiallıq və tükənməz yaradıcılıq enerjisi arzulayır, Azərbaycan mətbuatının bundan sonra da ölkəmizin tərəqqisinə, milli birliyin möhkəmlənməsinə və həqiqətlərin dünya ictimaiyyətinə çatdırılmasına layiqli töhfələr verəcəyinə əminliyini ifadə edir.
Şahmar Zərdabi
Baş redaktor
