Füzuli rayonu Horadiz qəsəbəsi 1 saylı məktəbdə nələr baş verir..?- Təhsil naziri Emin Əmrullayev məktəb direktorunun əməllərini görmür…?
Lalə xanım necə məktəb direktorudu..?
Bir media olaraq təhsil sahəsindəki problemləri zaman-zaman gündəmə gətiririk.
Təhsil sistemindəki rüşvətxorluq, korrupsiya halları barədə mediada geniş araşdırma yazıları dərc olunur.
Neçə illərdir ki, orta məktəblərdə süpürgə pulu, fond pulu, qayıb-qiymət pulu medianın gündəmindən düşmür.
Bütün bunlar azmış kimi, məktəblərdə “ölü canlar”, adı olub özü olmayan işçilər də ciddi mövzudur.
Təsəvvür edirsiniz, məktəb direktoru Lalə xanım mühafizəçi, bağban, xadimə və s. adı altında xeyli sayda işçinin əmək haqqı kartını cibində gəzdirir və hər ay xeyli miqdarda dövlət vəsaitini mənimsəyir. Məktəbdə adı gedən bədən tərbiyəsi və idman müəllimi Taleh hoca Qarabağda gedən tikintilərin birində qaynaqçı işləyir. Maaş kartını isə Lalə xanıma həvalə edib. Təsəccür edin bir məktəb müəllimi iki yerdə işləyir. Bu lap rəhmətlik mərhum eks millət vəkili Hadi Rəcəbovun fikirlərini reallaşdırır.
Bütün bunlar azmış kimi məktəb direktorları təmir-tikinti adı altında dövlətin ayırdığı xeyli vəsaiti müxtəlif şirkətlərə tender yolu ilə verərək, onlardan “otkat” alır.
Bir sözlə, vaxtı ilə MƏBƏD hesab etdiyimiz orta məktəblər rüşvət və korrupsiya məkanına çevrilir.
Biz hələ orta məktəb direktorlarının repetitorlar üçün müəllimlərə ayırdığı sinif otaqlarından, gəlirləri 50-50 faizlə bölüşdürməsindən danışmırıq.
Məktəblərin yeməkxanalarına verilən ərazq və qida məhsulları da başqa bir yazının mövzusudur.
Sözün qısası uşaqlarımızın gələcəyi olan məktəblər əməlli-başlı biznes və rüşvət məkanına çevrilib.
Bütün bunlardan əlavə ən dəhşətlisi odur ki, pedoqoji təhsili olmayan, pedoqoji təcrübəsi olmayan şəxslər məktəblərə direktor təyin olunur.
Yeri gəlmişkən, bir müddət əvvəl məktəblərdən birinə aqronom olan bir şəxs direktor təyin olunmuşdu.
Müzakirə zamanı sabiq deputatlardan biri demişdi ki, məktəb direktoru pedoqoq olmaya bilər.
Guya Allah qoymasa məktəb direktorunun işi pedoqoji deyil, menecer işidir, yəni məktəb direktoru biznesmen olmalıdır.
Bax, bu günümüzün reallığıdır.
Məktəbdə şagirdlərdən yığılan pullar, sinifdə qalmamaq üçün valideynlərin verdiyi rüşvət, repetitor müəllimlərdən alınan aylıq, hətta “arenda pulu” və s hüquq-mühafizə orqanları tərəfindən ciddi araşdırılmalıdır.
Sonda Elm və Təhsil Naziri cənab Emin Əmrullayevdən soruşuruq ki, məktəb direktoru Lalə xanımın bu əməllərini görmürsünüz..?
Qarşı tərəfin mövqeyini tanıyırıq.
Benelxalqinformasiyaagentliyi.az
