Sabunçu rayonunda piyadanın xəsarət alması ilə nəticələnən yol qəzası baş verib.
“Ölkə.Az” oxu.az -a istinadən xəbər verir ki, hadisə Ramana sovxozunda qeydə alınıb.
99-EJ-378 dövlət nömrə nişanlı “Mercedes” markalı avtomobil yolu keçmək istəyən təxminən, 45-50 yaşlı naməlum kişini vurub. Yaralı ağır vəziyyətdə xəstəxanaya yerləşdirilib.
Xəsarət alan şəxsin üzərində şəxsiyyətini təsdiq edən sənəd aşkarlanmayıb.
Faktla bağlı Sabunçu Rayon Polis İdarəsində araşdırma aparılır.
