Qərbi Kaspi Universiteti ikinci ali təhsil üzrə qəbul elan edir

    İqtisadiyyat
    Dünya iqtisadiyyatı
    Maliyyə
    Mühasibətüçotu
    Menecment
    Truzim və otelçilik
    Biznesin idarə edilməsi
    İnformasiya texnologiyaları
    Kompyuter  mühəndisliyi
    Poligrafiya mühəndisliyi
    Ekologiya
    Meşəçilik
    Politologiya
    Beynəlxalq münasibətlər
    Dövlət və Bələdiyyə idarəetməsi
    Psixologiya
    Fəlsəfə
    Tarix
    Dizayn
    Filologiya
    Tərcümə

II ali təhsil ödənişli formada müəssisə, təşkilat, idarə və ayrı-ayrı vətəndaşlarla Qərbi Kaspi Universiteti arasında bağlanmış fərdi müqavilələr əsasında həyata keçirilir. II ali təhsil müvafiq ixtisas üzrə bakalavriat (və ona bərabər tutulan) səviyyəsi üçün mövcud olan baza təhsil proqramlarındakı ümumi və ixtisas fənləri bölümlərini əhatə etməklə, tələbənin əvvəl aldığı baza təhsil proqramı ilə yeni ixtisasın baza təhsil proqramı arasındakı fərq nəzərə alınmaqla xüsusi hazırlanmış təhsil proqramları əsasında aparılır.

II ali təhsil almaq istəyənlər aşağıdakı sənədləri təqdim etməlidirlər:
– rektorun adına ərizə;
– ali təhsil haqqında sənədin (diplomun və ona əlavənin) notariat qaydada təsdiq edilmiş surəti;
– əmək kitabçasının surəti;(işlədiyi halda)
– 3 x 4 sm ölçüdə 6 ədəd fotoşəkil;
– şəxsiyyət vəsiqəsinin surəti;
– Oğlanlar üçün hərbi bilet və ya SHXÇDX-də hərbi qeydiyyat haqqında vəsiqənin surəti

Xarici ölkələrin ali təhsil müəssisələrinin məzunları aldıqları ixtisasların Azərbaycan Respublikası ərazisində tanınması və ekvivalentliyi barədə Təhsil Nazirliyi tərəfindən verilmiş şəhadətnamə təqdim etməlidirlər.
II ali təhsil almaq üçün universitetə sənəd vermiş şəxslərlə müsahibə aparılır. Müsahibədən uğurla keçənlər müqavilə yolu ilə II ali təhsil almaq üçün müvafiq ixtisaslar üzrə tələbələr sırasına qəbul edilirlər.
Təhsil  əyani, qiyabi və distant  təhsil formalarında həyata keçirilir.
Təhsil  Azərbaycan və rus dillərində aparılır. Təhsil müddəti  əvvəlki baza təhsil proqramı ilə yeni ixtisasın baza təhsil proqramı arasındakı fərq nəzərə alınmaqla müəyyən edilir. Təhsilini müvəffəqiyyətlə başa vuranlara dövlət nümunəli Bakalavr Diplomu veriləcək.
Sənədlər 10 iyul 2019-cu il tarixdən-1 sentyabr 2019-cu il tarixədək, həftənin 1-5-ci günləri saat 10.00dan 16.00-dək qəbul olunur.

Ünvan: Qərbi Kaspi Universiteti, Əhməd Rəcəbli  küçəsi, III paralel/21
Əlaqə nömrələri: (012) 565-39-76  daxili (114)
Elektron ünvan:  distance_education@wcu.edu.az