ABŞ Prezidenti Donald Tramp Suriyadakı hərbi əməliyyatlarla əlaqədar olaraq Türkiyəyə qarşı sanksiyalar barədə fərman imzalayıb.
Bu barədə ABŞ-ın Dövlət katibi Maykl Pompeo bazar ertəsi yaydığı bəyanatda bildirib.
Onun sözlərinə görə, bu addım Türkiyənin Suriyanın şimal-şərqindəki hücumlarını dayandırmaq və atəşkəsə məcbur etmək üçün atılır.
Qeyd edək ki, Türkiyə oktyabrın 9-dan etibarən Suriyanın şimalında “Barış pınarı” əməliyyatına başlayıb. Son məlumatlara görə, əməliyyat zamanı 500-dən çox silahlı zərərsizləşdirilib.
